Leikkonan Reese Witherspoon sprangaði um götur Santa Monica í vikunni í verslunarleiðangri og almennum erindagjörðum. Það var þó ekki leikkonan sem vakti athygli vegfarenda, heldur maðurinn sem gekk við hlið hennar.

Þar mun vera á ferðinni lífvörður leikkonunnar og eins og sjá má á myndinni er það stærsti og breiðasti maður mannkynssögunnar. Maðurinn lítur út eins og hann hafi étið þrjá kraftlyftingamenn í morgunmat og vafalaust abbast enginn upp á Reese Witherspoon á meðan hún hefur þennan kappa í eftirdragi.